Згодна з пастановай Савета Народных Камісараў ад 29.08.45 г. і адпаведнага загаду Наркомздрава СССР ад 17.09.45 г. для лячэння інвалідаў вайны сталі стварацца адмысловыя шпіталі. Спадчыннікам аднаго з іх і стала Дзяржаўная ўстанова "Рэспубліканскі клінічны шпіталь інвалідаў Вялікай Айчыннай вайны ім. П. М. Машэрава", які быў створаны 5 студзеня 1946 г. на базе расфармаванага ваеннага эвакашпіталь № 3803 на 100 ложкаў і першапачаткова функцыянаваў як Мінскі абласны шпіталь інвалідаў № 3803 і размяшчаўся ў вёсцы Бараўляны Мінскага раёна ў прыстасаваных памяшканнях барачнага тыпу былой машынатрактарнай станцыі.
Адначасова з лячэннем інвалідаў у шпіталі праводзілася і іх сацыяльная рэабілітацыя. У саракавыя гады была арганізавана падрыхтоўка бухгалтараў, рахункаводаў, фатографаў і кухараў.
Структура шпіталя ў першыя гады працы складалася з прыёмнага пакою і аднаго лячэбнага аддзялення з перавязачнай і кабінетам для фізіяпрацэдур, клінічнай лабараторыі, аптэкі і канцылярыі.
У 1952 годзе лячэбнае аддзяленне было рэарганізавана ў хірургічнае і тэрапеўтычнае, а ў 1955 годзе, у сувязі з павелічэннем магутнасці шпіталя да 200 ложкаў, на яго базе былі створаны артапеда-траўматалагічнае, неўралагічнае і тэрапеўтычнае аддзяленні.
З павелічэннем магутнасці шпіталя рос і яго аўтарытэт. У 1969 годзе яму прысвоены статус рэспубліканскай ўстановы, у сувязі, з чым значна пашырыліся выкананыя функцыі. Міністэрства аховы здароўя ўсклала на шпіталь арганізацыйна-метадычнае кіраўніцтва работай устаноў аховы здароўя рэспублікі па медыцынскаму забеспячэнню ветэранаў Вялікай Айчыннай вайны.
У гэты ж час па ініцыятыве Першага сакратара ЦК кампартыі Беларусі П.М. Машэрава было прынята рашэнне аб будаўніцтве шпіталя па індывідуальным праекце ў пасёлку Лясным і ў 1972 годзе апошні перабазіраваўся ў новы шпіталі комплекс на 400 ложкаў.
У 1985 годзе быў уведзены ў эксплуатацыю яшчэ адзін лячэбны корпус і агульная колькасць ложкаў павялічылася да 700.
П.М. Машэраў трымаў пад асабістым кантролем пытанні будаўніцтва і аснашчэння шпіталя. За яго значныя заслугі ў гэтым пытанні, у гонар 80-годдзя з дня нараджэння, у 1998 годзе шпіталю было прысвоена імя П.М. Машэрава.
У 2003 годзе быў уведзены ў эксплуатацыю лячэбна-дыягнастычны корпус, што дало магчымасць на яго базе размясціць дзве кафедры Дзяржаўнай установы адукацыі "Беларуская медыцынская акадэмія паслядыпломнай адукацыі": прамянёвай дыягностыкі і геранталогіі і герыятрыі.
Шпіталь стаў адной з лепшых устаноў аховы здароўя Савецкага Саюза. Яго дасягненні неаднаразова адзначаліся ўрадавымі дыпломамі і граматамі. У 1976 годзе шпіталь быў узнагароджаны Дыпломам ВДНГ СССР, у 1978 годзе адзначаны Ганаровай Граматай Вярхоўнага Савета БССР, у 1979 годзе заваяваў пераходзячы Чырвоны Сцяг Цэнтральнага камітэта КПСС, Савета Міністраў СССР, ВЦСПС і ЦК ВЛКСМ. Па выніках Усесаюзнага сацыялістычнага спаборніцтва калектываў устаноў аховы здароўя СССР шпіталь тройчы (у 1984, 1985, 1989 гадах) ўзнагароджваўся Дыпломамі Калегіі Міністэрства аховы здароўя СССР і ЦК прафсаюза медпрацаўнікоў.
У 2003 годзе па выніках агляду-конкурсу шпіталяў ветэранаў войнаў краін СНД шпіталь быў удастоены Дыплома Міжнароднага конкурсу за лепшыя практычныя вынікі рэабілітацыі ветэранаў войнаў, удзельнікаў лакальных канфліктаў і членаў іх сем'яў і узнагароджаны каштоўным падарункам.
За вялікі ўклад у развіццё сацыяльнай палітыкі Рэспублікі Беларусь і шматгадовую плённую працу ў сферы аховы здароўя насельніцтва рашэннем Савета Палаты прадстаўнікоў Нацыянальнага сходу Рэспублікі Беларусь ад 2006/06/27 г. ДУ "Рэспубліканскі клінічны шпіталь інвалідаў Вялікай Айчыннай вайны імя П. М. Машэрава" узнагароджаны Ганаровай граматай Нацыянальнага сходу Рэспублікі Беларусь.
Ва ўсіх дасягненнях і пастаянным ўзрастанні значнасці шпіталя вялікая заслуга ўсіх супрацоўнікаў і яго кіраўнікоў. Першым з іх быў ІнглІз В.Л. Затым паслядоўна начальнікамі шпіталя былі ІлбовнІк У.С., Папоў М.В., Святчэнка І.П., Аляхновіч А.С., Дуброўскі В.К., Мароз І.С. З 1970 па 2000 г. шпіталь узначальваў Ашуркоў П.І., з 2000-2005 г.г. Усніч У.М.
З лістапада 2005 года і па цяперашні час шпіталь ўзначальвае Масло Інэса Браніславаўна.
